भंडारादरा

भंडारादरा धरणास विल्सन धरण असेही ओळखले जाते. प्रवरा नदीवर आणि जमीन सपाटीपासून 150 मीटर उंचीवर आहे. हे धरण भारताच्या पश्चिम किनारपट्टी वर भंडारदरा गावात आहे. हे महाराष्ट्रातील अहमदनगर जिल्ह्यात आहे.विल्सन धरणाच्या जलाशयास आर्थर लेक असे म्हटले जाते आणि प्रवरा नदीच्या पायथ्याशी मिळतो. या तलावाला लेक आर्थर हिल किंवा भंडारादरा लेक म्हणूनही ओळखले जाते.भंडारदरा येथे अनेक नयनरम्य स्थळे आहेत. निसर्गसौंदर्याने नटलेले स्थान असून अनेक धबधबे, डोंगरकडे, जलाशय, हिरवी झाडे, शुद्ध आणि थंड हवा हे इथल्या मूळच्या सौंदर्यात अजूनच भर टाकतात.भंडारदरा धरण आणि रंधा धबधबा हे पर्यटकांचे येथील मुख्य आकर्षणाचे केंद्रबिंदू आहेत.

शेंडी या गावापासून १० किलोमीटर अंतरावर प्रवरा नदीवर रंधा या गावात एक विशाल धबधबा असून तो गावाच्या नावावरूनच रंधा फॉल म्हणून प्रसिद्ध आहे. सध्या हा धबधबा त्यावर असलेल्या जलविद्युत प्रकल्पामुळे फक्त पावसाळ्यातच पहायला मिळतो. पावसाळ्यात हा धबधबा अतिशय रौद्र रूप धारण करतो. पावसाळ्यात मुख्य धबधब्याच्या उजव्या बाजुने अजुन एक धबधबा पहायला मिळतो. दोन्ही धबधबे पुर्ण क्षमतेने वाहत असताना पाहणे हा एक रोमांचित करणारा अनुभव आहे.भंडारदरा बस स्टॉपपासून 10 किमी अंतरावर, पुण्यापासून 156 किमी आणि मुंबईपासून 177 किलोमीटर अंतरावर, रंधा धबधबा हा महाराष्ट्रातील अहमदनगर जिल्ह्यात आहे.

विल्सन डॅमवरच एक मोठा गोलाकार धबधबा असून त्याच्या छत्रीसारख्या वैशिष्ट्यपूर्ण आकारामुळे त्याला ‘अम्ब्रेला फॉल’ असे म्हणतात. हा अम्ब्रेला फॉल केवळ जुलै ते ऑक्टोबर महिन्यांतच पहायला मिळतो.भंडारदरा बस  स्थानकापासून  500 मीटर अंतरावर, अंब्रेला धबधबा हे अहमदनगर जिल्ह्यातील भंडंदरारा (विल्सन) येथे वसलेले एक सुंदर हंगामी धबधबा आहे.

छायाचित्र दालन

  • भंडारदरा धरण पूर्ण दृश्य
  • भंडारदरा धरणाचे लांबून दृश्य
  • भंडारदरा धरणाचे बाजूने दृश्य

कसे पोहोचाल:

हवाई मार्गाने

जवळचे विमानतळ औरंगाबाद , पुणे ,शिर्डी ( मर्यादित उड्डाणे) आहेत.

रेल्वेमार्गाने

जवळचे रेल्वेस्थानक अहमदनगर आहे.

रस्त्याने

महाराष्ट्र राज्य मार्ग परिवहन महामंडळाच्या बस स्थानक मधून नियमित राज्य परिवहन बस उपलब्ध आहेत.