मजलक अहमद याने इ.स. १४९४ मध्ये वसविलेले व निजामशाहाचे राजधानीचे शहर पुढे त्याच्याच नावाने अहमदनगर(अहिल्यानगर) शहर म्हणून ओळखले जाऊ लागले. जिल्ह्याचे मुख्यालय अहमदनगर(अहिल्यानगर) शहर असल्याने जिल्ह्याला अहमदनगर(अहिल्यानगर) हे नांव देण्यात आले. पेशवाईच्या अस्तानंतर इ.स.१८२२ मध्ये अहिल्यानगर जिल्हयाची निर्मिती झाली त्यावेळी अहिल्यानगर जिल्हयाची हद्द आताच्या नाशिक जिल्हयातील वणी तर दुस-या टोकास साप्रंत सोलापूर जिल्हयातील करमाळयापर्यंत होती. १८६९ मध्ये नाशिक व सोलापूर जिल्ह्याची निर्मिती झाल्याने वणी व करमाळा हे अहिल्यानगर जिल्हयातून वगळण्यात आले. पुणे महसूल विभागात असलेला अहिल्यानगर जिल्हा फेब्रुवारी १९८१ पासून नाशिक या नवीन महसूल विभागात समाविष्ट्ट करण्यात आला.
